(ქალაქ თბილისის 142-ე საჯარო სკოლის V
1 კლასის მოსწავლე ელენე ელყანიშვილის III პერსონალური გამოფენა)
პატარა, მაგრამ დიდი ნიჭით დაჯილდოებული ელენე ელყანიშვილი თითქოს არაფრით გამოირჩევა თანატოლებისგან, არა და, მის ფერად სამყაროს რომ ეწვიოთ, ნამდვილად გამოარჩევთ. 10 წლის მოზარდი 700-მდე ფერწერული თუ გრაფიკული, მრავალფეროვანი თემატიკის ნამუშევრებით ხიბლავს მნახველს.
ელენემ ფანქრით ხატვა 3 წლისამდაიწყო, ფერადი სამყაროს შექმნა კი 6 წლის ასაკიდანგანაგრძო. მისი პირველი ნახატი, ზეთის საღბავებით შესრულებული-ყვავილებია.სწორედ ყვავილების აღმოჩენით დაიწყო პატარამ, მაგრამ დიდმა მაძიებელმა სამყაროს მშვენიერების ამოცნობა.
საუბრის დროს, თუ რომელი თემა იყო მისთვის საინტერესო, გაგვიმხილა:
„მინდა სამყაროს მშვენიერება ჩემს ნახატებში გადმოვიტანოო“
ელენეს სიტყვები მის ნახატებში აისახა. სიტყვა საქმედ იქცა. შემოქმედის ნახატებში იგრძნობა სამყაროს მთლიანობის ერთ პატარა, მაგრამ შემოქმედი, გონიერი ნაწილის ჰარმონიული შერწყმა.
ელენე, მართლაც რომ, აღმოჩენაა. მისი ნამუშევრები ინტერნეტის საშუალებით გაიცნო ხალმა ბევრი მოწონება და კომენტარი დაიმსახურა.
პირველი პერსონალური გამოფენა გალერეა „ვაჩეში“ მოეწყო, როდესაც ელენე ჯერ კიდევ მეოთხე კლასში იყო, გამოფენის ინიციატორი იყო ამავე გალერიის დამფუძნებელი და ხელმძღვანელი ქალბატონი ინგა ვაჩეიშვილი. გამოფენაზე ელენეს 40-მდე ნამუშევარი იყო გამოფენილი.
ელენეს პერსონალურ გამოფენას ტელევიზიის სხვადასხვა არხები გამოეხმაურნენ :(რუსთავი 2, იმედი და ინტერნეტპორტალი).
ელენეს მეორე პერსონალური გამოფენა შარშანთბილისის პარლამენტის შენობაში, შოთა რუსთაველის დარბაზში შედგა. დამთვალიერებლებმა აღნიშნეს მხატვრის დიდი ნიჭი, რომელსაც მუდმივად ავითარებს პატარა ხელოვანი.
მესამე პერსონალური გამოფენა მოეწყო ელენეს მშობლიურ ქ. თბილისის N142 საჯარო სკოლის პირველი სართულის დერეფანში. გამოფენის ინიციატორი გახლდათ სკოლის დირექტორი ქალბატონი შორენა ცნობილაძე, პატარა მხატვრის კლასის დამრიგებელი ქალბატონი ნანა მაჩიტიძე. მხატვრის ნამუშევრებმა მაგნიტივით მიიზიდა მნახველები :მასწავლებლები,მშობლები და მოსწავლეები, რომელთა სახეზე შეუმჩნეველი არ დარჩენილა აღმაფრენა და დიდი სიხარულის განცდა.
ელენე თავისი ნათელი და მსუყე ფერებით უშურველად გვმასპინძლობდა ყვავილების სურნელით და ფერებით გაჯერებულ გაზაფხულის პეიზაჟებში, ოქროსფერი შემოდგომისა და ზამთრის გადათეთრებულ სურათებს. მისი ნამუშევრიდან „დაქალები“ დიდი სიყვარული იღვრება. დამთვალიერებლები ელენეს პეიზაჟებმა მთვარით განათებულ ღამის იდუმალებასაც გვაზიარა, უკიდეგანო ზღვის სანაპიროზე ტალღის ხმაც მოგვასმენინა. ელენეს შემოქმედებაში ბიბლიურმა თემებმაც გაიჟღერა „სამარიტელი დედაკაცი“, „ლოცვა გეთსამანიის ბაღში“. საინტერესოა მისი ნახატი გასეირნება ჯუთაში , რომელშიც მთავარი მოქმედი გმირი ელენე მშობლებთან ერთად ბუნების მშვენიერებას ჰარმონიულად შერწყმიან. ელენეს ნამუშევრებში ყურადღებას იქცევს ნახატი „დაბადების მოლოდინში“ დედა, რომელიც შვილის მოლოდინშია, ნათელ ფერებში იკვეთება, იგრძნობა მხატვრის სიცოცხლისადმი სიყვარული. ამ ნამუშევარს სიცოცხლის ჰიმნს დავარქმევდი. ელენეს ნამუშევარში გამოიკვეთა დედის პორტრეტი, რაც დიდი სიყვარულისა და სითბოს გამოხატულებაა მშობლის მიმართ.
ელენეს ნამუშევრები რომ დიდი სიყვარულით არის შექმნილი, მის შემოქმედებაში თბილი ოქროსფერი, მზის მბზინვარე ფერებით ისარკება. ელენე ჯერჯერობით დედისერთაა, მშობლები: ქალბატონი მაია ბედუკაძეპროფესიით ფსიქოლოგი და მამა ბატონი კონსტანტინე ელყანიშვილი პროფესიით ეკონომისტი ძალასა და ენერგიას არ იშურებენ, რომ ელენესგან შორს იყოს უფერულება, შვილის სამყარო მუდამ ფერადი იყოს.
გამოფენას ამშვენებდა ელენეს ავტოპორტრეტები, რომელშიც დაკვირვებული ფერთა და ხაზთა მკითხველი ამოიცნობდა მხატვრის შემოქმედებით ზრდას, წინსვლას, მის სულიერ ფერიცვალებას.
მინდა 142- საჯარო სკოლის დირექციის პედკოლექტივის სახელით მადლობა გადავუხადო უნიჭიერეს შემოქმედსფერად სამყაროში მასპინძლობისთვის და ვუსურვო ჯანმრთელობა, ბედნიერება და მომავალში მრავალი, მრავალი წარმატება.
ქ.თბილისის 142-ე საჯარო სკოლის
ქართული ენისა და ლიტერატურის
მასწავლებელი- მაყვალა გერმანოზაშვილი