„დედაო მიწავ,გაიცან ვაჟა!“
17-06-2019, 12:04
2019 წლის 14 ივნისს IV დ კლასის (ხელმძღვანელი ნინო შოვნაძე) ღონისძიება ვაჟა-ფშაველას მიეძღვნა: „დედაო მიწავ,გაიცან ვაჟა!“
ვაჟა-ფშაველა გამგრძელებელია სულხან-საბას, დავით გურამიშვილის, აკაკის გზისა, ამოტომაც ქართული მწერლობის სათავესთან მდგარ მოსწავლეებს,ვაჟას იდეების გაცნობიერებით გაუადვილდებათ ამ დიდ მოაზროვნეებთან მიახლება. ვაჯა-ფშაველას ცხოვრებისა და შემოქმედების შესწავლით ჩვენი ბავშვების ნორჩ გულებში იღვიძებს დიდი ჰუმანიზმი, უფაქიზდებათ გრძნობები, ივსებიან სამშობლოსადმი სიყვარულითა და მისდამი უანგარო სამსახურის სურვილით. ვაჟა აცოცხლებს ბუნებას, გვასწავლის, რომ იგი ჩვენი დიდი სახლია, „ბუნება ჩვენშია, ჩვენ ბუნებაში ვართ.“ ვაჟას შევყავართ ბუნების დიდ ჰარმონიაში. მოგვიწოდებს რომ ვისწავლოთ მისგან მშვენიერებისა და ღირსების კანონები.
ვაჟა ფშაველას შემოქმედება მოგვიწოდებს ვისწრაფოდეთ სრულყოფისაკენ, უკეთესისა და ამაღლებისაკენ.