სასწავლო პროექტი „წილადები მათემატიკასა და ყოფა-ცხოვრებაში“
20-06-2019, 14:54
2019 წლის 13 მაისს სსიპ ქ.თბილისის N142 საჯარო სკოლის Vა კლასის მიერ განხორციელდა პროექტი მათემატიკაში თემაზე „წილადები მათემატიკასა და ყოფა-ცხოვრებაში“. პროექტს ხელმძღვანელობდა მათემატიკის მასწავლებელი დ. სულამანიძე.
პროექტის მიზანი იყო მოსწავლეების მიერ
- საჭირო ინფორმაციის მოძიება და დახარისხება;
- წილადების შესახებ სხვადასხვა ამოცანების ამოხსნა;
- წილადების გამოყენების არეალის გამოკვლევა;
- საგნობრივი ცოდნის ტრანსფერი ცხოვრებაში და პრაქტიკული საჭიროების დროს წილადებზე გამოთლების წარმოება;
პროექტის ფარგლებში ჩატარდა სხვადასხვა აქტივობები, კერძოდ: განისაზღვრა პროექტის თემა, მოხდა მიზნების ჩამოყალიბება, შესასწავლი საკითხების და ორგანიზების ფორმების განსაზღვრა,შესასრულებელი დავალებების განაწილება.
მოსწავლეებმა წარმოადგინეს თავიაანთი ნამუშევრების პრეზენტაცია, თვალსაჩინოდ გამოაკლეს ლამაზად გაფორმებული და დასურათებული ნამუშევრები,კედლის გაზეთი დასათაურებით „წილადების წარმოშობის ისტორია“. მოსწავლეები დაყოფილი იყო 4 ჯგუფად, რომელთაც სხვასახვა დავალებები ქონდათ მიცემული და ჯგუფური მუშაობის შემდეგ წარმოადგინეს პრეზენტაციები, განიხილეს ის პირობები, თუ როგორ გაჩნდა წილადი, ამოცანების ტიპები წილადებზე და მათი ამოხსნის მეთოდები. გაიმართა პრეზენტაციები, მოხდა პროექტის შეფასება დადებითად („მოსწავლეთა თვითშეფასება, მასწავლებლის თვითშეფასება“) გამოტანილ იქნა ძირიტადი დასკვნები.