ქ.თბილისის 142-ე საჯარო სკოლაში 2019 წლის 4 ოქტომბერი დაუვიწყარი დღეების ნუსხას დამსახურებულად შეემატა.
შემოდგომის თბილ დღეს სკოლის პედაგოგთა,მოსწავლეთა და მშობელთა ცრემლნარევი ღიმილი ამოუცნობ განსაკუთრებულებას სძენდა.
საზეიმოდ მოწყობილი სკოლის სააქტო დარბაზი დამსწრე საზოგადოებას ვერ იტევდა. დარბაზის გამოთავისუფლებული შუაგული სკოლის მასწავლებელთა შემოსვლას ელოდა მოსწავლეებთან ერთად.
გაისმა მასწავლებლის ჰიმნი და ტაშის ქუხილში შემობრძანდა ძველი და ახალი თაობა. პატარებს თავიაანთი მასწავლებლებისთვის ჩაეჭიდათ ხელი და დარბაზისკენ მოჰყავდათ.
ამ დღეს სკოლა აცილებდა თერთმეტ ამაგდარ,სკოლის ღვაწლმოსილ პედაგოგს.ეს გაცილება მასწავლებლის დღეს დაემთხვა.
სცენარის მომზადება ითავა სკოლის ქართული ენისა და ლიტერატურის მასწავლებელთა კათედრის ხელმძღვანელმა,წამყვანმა მასწავლებელმა ლელა საურმა.
სცენაზე გაიჟღერა ამაგდარი მასწავლებლების მიმართ მაყვალა გერმანოზაშვილის მიერ მიძღვნილმა ლექსებმა, რომლებიც დიდი განცდით წაიკითხეს მოსწავლეებმა.
სცენაზე წარსულ დღეთა გასახსენებელი ფოტოები გამოჩნდა. სლაიდის ავტორი ამავე სკოლის ინფორმატიკის მასწავლებელი ინგა ფირანიშვილი იყო.
ტკბილ წარსულ მოგონებას მოჰყვა სკოლის პედაგოგთა სახელით მისალოცი და გამოსამშვიდობებელი სიტყვა, რომლის მიმართვის ბედნიერება ამავე სკოლის ქართული ენისა და ლიტერატურის პედაგოგს მაყვალა გერმანოზაშვილს ხვდა წილად. სიტყვას სკოლის მუსიკის მასწავლებლის მაია აზმაიფარაშვილის მიერ მომზადებული მუსიკალური გამოსვლა შეენაცვლა. სიმღერებს - სკოლის ქორეოგრაფის,ბატონ იური ტორაძის ხელმძღვანელობით დადგმული ქართული ცეკვა. სცენაზე გამოჩნდა სკოლის ფოლკლორული ანსამბლის ხელმძღვანელი გოგიტა ბუგიანიშვილი, რომლებმაც სკოლის დარბაზი ქართული მრავალხმიანი სიმღერებით აახმიანეს. ფოლკლორულ ანსამბლს კვლავ ხალხური სიმღერები და ცეკვები ჩაენაცვლა სკოლის მუსიკის პედაგოგის იზა ტყეშელაშვილისა და აქტიური შემოქმედი მშობლის ნანა მინდაძის თაობით.
ღონისძიების დასასრულს საკუთარი ლექსით წარსდგა ლელა საური მაყურებელთა წინაშე და დაწყებითი კლასის მასწავლებლ ნინო შოვნაძესთან ერთად წაიკითხა ლექსი, რომლებმაც დარბაზიდან მქუხარე ტაში და დიდი ემოციები დაიმსახურა.
სცენაზე მოიხმეს ამაგდარი პედაგოგები: ციალა გელაშვილი, გულიკო ჯაფარიძე, მარინა მეტრეველი, ნანა ჩიხრაძე, ნაზი ბეჟანიშვილი,მზია მჭედლიშვილი,ნათელა სიხარულიძე, ლალი ზამბახიძე, ნუნუ ბაჩუკიშვილი, ლია ტვილდიანი, ჯული სალთხუციშვილი, რომლებიც თეთრი თაიგულებით და გაზეთ სახალხო განათლებით დაასაჩუქრეს, თითოეული პედაგოგი თეთრი ყვავილების გვირგვინით დაამშვენეს.
მოზღვავებული ემოციის ფონი უფრო გააძლიერა ამერიკაში მყოფი ჩვენი ქიმიის პედაგოგის ჟუჟუნა ხელაშვილის სატელეფონო ჩართვამ.
დარბაზის საზეიმოდ მოწყობაში დიდი წვლილი შეიტანეს სკოლის ბიბლიოთეკარმა მარინა ეზიაშვილმა, ხელოვნების პედაგოგებმა მაია აფციაურმა და ეკატერინე გუდაძემ.
ღონისძიების ორგანიზებაში თავისი წვლილი შეიტანა ქართული ენისა და ლიტერატურის მასწავლებელმა მაკა ფარეიშვილმა.
4 ოქტომბერი მისალმების,სევდის, ღიმილის, ცრემლების, ემოციების დღედ ჩაიწერა ჩვენი სკოლის მატიანეში.