142-ე საჯარო სკოლის II ა კლასში ნამდვილი საშემოდგომო დღესასწაული მოეწყო. ქალბატონი ნაილი ბახტურიძის მოსწავლეებმა შემოდგომის მრავალფეროვანი სინოვაგით მოკაზმულ ოთახში, ჩურჩხელები თავიანთი პაწაწინა ხელებით ამოავლეს მათი დედიკოების მიერ აქვე მომზადებულ უგემრიელეს თათარაში. ბავშვების მხიარული განწყობა და ფუსფუსი საკლასო ოთახის ფერადი ფოთლებით და სხვადასხვა ხილით დამშვენებულ გარემოს ერწყმის. ოქტომბრის ეს მზიანი დღე და ჭრელაჭრულა სამოსით დამშვენებული პატარების ბედნიერი სახეები თითოეული ჩვენგანის სასიამოვნო მოგონებად დარჩება. ამისათვის განსაკუთრებული მადლობა ჩვენს საყვარელ ნაილი მასწავლებელს და სკოლის ხელმძღვანელობას!