1.1. საკვლევი თემის განსაზღვრა
მოსწავლეთასწავლა-სწავლების პროცესის გაუმჯობესების ერთ-ერთი მთავარი წინაპირობა მათი ქცევაა.მოსწავლეებს გააზრებული უნდა ჰქონდეთროგორმოიქცნენსკოლაში და სკოლის გარეთ, შეასრულონ სკოლის წესდებითა და შინაგანაწესით დადგენილი ნორმები, დაიცვან მოსწავლეთა ქცევის წესები, განივითარონ პასუხისმგებლობის გრძნობა, დაემორჩილონ მასწავლებელთა, ადმინისტრაციისა და დაცვის სამსახურის წევრთა მითითებებს, პატივისცემით მოეპყრონ როგორც უფროსებს, ასევე თანატოლებს. მაგრამ თუ ეს ყოველივე დარღვეულია და მოსწავლეები ვერ აცნობიერებენ თავიანთ ვალდებულებებს, შედეგად მივიღებთ ქაოსს, რომლის გამოსწორებასაც დიდი ენერგია და დაუზოგავი მუშაობა სჭირდება.
მოსწავლეთა ქცევის დარღვევებზე და მათ გამოსწორებაზე მუშაობააქტუალური გახდა ჩემთვის მას შემდეგ, როდესაც გავხდი V² კლასის დამრიგებელი. მოსწავლეებთან ურთიერთობის ამ მცირე პერიოდში ისეთმა პრობლემებმა იჩინა თავი, რომლებიც დამრიგებლის გადმოსახედიდან უფრო მწვავედ აღიქმება, ვიდრე რიგითი მასწავლებლის შემთხვევაში,მაგალითად მოსწავლეთა ერთმანეთთან დამოკიდებულება, მოსწავლისა და მასწავლებლის ურთიერთობა, საკლასო გარემო, მშობელთა როლი ბავშვების სასკოლო ცხოვრებაში და ა. შ. რომლებიც მოსწავლეთა არასასურველი ქცევის გამოვლენითაა განპირობებული.